,,ამ კანონის შედეგი იქნება ის, რომ ბევრჯერ და ბევრგან იქნება იგნორირებული, კორუფციის წყარო და ყველა შემთხვევაში დააზიანებს ბიზნესს და ტურიზმს’’, - ამის შესახებ განცხადება მოძრაობა თავისუფლებისთვის-ევროპული საქართველოს წევრმა გიგა ბოკერიამ თამბაქოს კონტროლის შესახებ კანონშიცვლილებასთან დაკავშირებით გააკეთა.

,,კიდევ ერთხელ გამოჩნდა, თუ როგორი არაკომპეტენტური და რაც მთავარია რეალობისგან მოწყვეტილია ივანიშვილის პოლიტიკური გუნდი. როგორც გუშინ ერთ-ერთი ლიდერისგან ზოიძისგან გაირკვა, მათ ეხლა ომი გამოუცხადეს სიგარეტის ბიზნესს საქართველოში და პარლამენტში მათი. მთელ მსოფლიოშიც არავინ დაობს, რომ სიგარეტის მოწევა მავნებელია, მაგრამ ერთადერთი გზა იმისკენ რომ მეტმა ადამიანმა იზრუნოს საკუთარ ჯანმრთელობაზე და მათშორის ნაკლებმა ადამიანმა მოწიოს თამბაქო ეს არის სიღარიბიდან გამოსვლა, გამდიდრება და არა ასეთი დრაკონული რეგულაციები. ისეთი, როგორიც ევროკავშირის ბევრ ქვეყანაშიც კი არ არის.  ეს აისახება ათასობით ჩვენი მოქალაქის შემოსავალზე. ისინი დაკარგავენ შემოსავალს, სამსახურებს და სრულიად საპირისპირო შედეგს მივიღებთ,’’- განაცხადა გიგა ბოკერიამ.