მეცნიერთა ახალი კვლევის თანახმდ, მოწევის შედეგად მსოფლიოში ყოველი მეათე ადამიანი იღუპება. ამასთან დაღუპულთა ნახევარი მოდის მხოლოდ ოხთ ქვეყანაზე - რუსეთზე, აშშ-ზე, ჩინეთსა და ინდოეთზე.

მეცნიერთა მონაცემებით, სიკვდილიანობის დონე შესაძლოა კიდევ უფრო გაიზარდოს, რადგან თამბაქოს მწარმოებლები აგრესიულად ითვისებენ ახალ ბაზრებს, განსაკუთრებით განვითარებად ქვეყნებში.

კველვა სამედიცინო ჟურნალ The Lancet-ში გამოქვეყნდა. მეცნიერებმა გამოიყნეს 195 ქვეყნის მონაცემები 1990-2015 წლების მიხედვით.

2015 წელს ყოველდღიურად ეწეოდა თითქმის ერთი მილიარდი ადამიანი, აქედან - ყოველი მეოთხე მამაკაცი და ყოველი მეოცე ქალია. ეს 1990 წლებთან შედარებით გაუმჯობესებული მაჩვენებელია, როდესაც თამბაქოს  მსოფლიოში ყოველი მესამე მამაკაცი და ყოველი მეთორმეტე ქალი მოიხმარდა.  

თუმცა მოსახლეობის ზრდის გამო მწველთა საერთო რაოდენობა 870 მილიონით არის გაზრდილი. თამბაქოს მოხმარებით გამოწვეული სიკვდილიანობის რაოდენობამაც 4,7 პროცენტით მოიმატა და 2015 წელ ს 6,4 მილიონს მიაღწია.

კვლევამ აჩვენა, რომ ზოგიერთი ქვეყანა წარმატებით აიძულებს ადამიანებს თავი დაანებონ მოწევას, ძირითადად გადასახდების, შეფუთვებზე გამაფრთხილებელი წარწერებისა და საგანმანათლებლო პროგრამების ხარჯზე.