თურქეთში, უამრავი  ადამიანი რეფერენდუმის შედეგს აპროტესტებს. სტამბოლი, იზმირი და ანკარა აქციებმა მოიცვა. სამართალდამცველებმა აქციის 14 მონაწილე დააკავეს. ღამით მიმდინარე აქციების ამსახველი კადრები, ძირითადად, სოციალური ქსელით ვრცელდება.

რეჯებ ტაიპ ერდოღანმა, არეულობის საფრთხის თავიდან ასაცილებლად საგანგებო მდგომარეობა კიდევ 3 თვით გაახანგრძლივა.

თურქეთის  პრეზიდენტმა ასევე პასუხი გასცა საერთაშორისო დამკვირვებლების კრიტიკას. ანკარაში სიტყვით გამოსვლისას მან მონიტორბეს ურჩია, იცოდნენ საკუთარი ადგილი. „თურქეთი არ უსმენს და არ აღიარებს მათ დასკვნას“,- განაცხადა ერდოღანმა

თურქეთის ხელისუფლების ინფორმაციით, პრეზიდენტმა უკვე მიიღო მილოცვა დონალდ ტრამპისგან,თუმცა, ოფიციალური თეთრი სახლი საერთაშორისო კომისიის შედეგებამდე რეფერენდუმის თაობაზე კომენტარისგან თავს იკავებს.