„ყავის საერთაშორისო ორგანიზაციამ“ ახალი კვლევა გამოაქვეყნა, რომლის მიხედვით ირკვევა, თუ რომელი ქვეყნის მოქალაქე წელიწადში რამდენ კილოგრამ ყავას მიირთმევს. რეიტინგში პირველ პოზიციებს ძირითადად სკანდივანიური ქვეყნები იკავებენ. ინფორმაციას საზოგადოებრივი მაუწყებელი ავრცელებს.

კვლევის მიხედვით, პირველ ადგილზე ფინეთი გავიდა, სადაც ერთი ადამიანი წელიწადში 12 კილოგრამ ყავას მოიხმარს. რაც შეეხება საქართველოს, ჩვენს ქვეყანაში ერთი ადამიანი წელიწადში საშუალოდ 1.3 კილოგრამ ყავას მოიხმარს. ამ მონაცემებით საქართველო უკანა პოზიციებზე მოექცა. 

თუ ერთი ადამიანის მიერ მოხმარებულ ყავის ოდენობას, საქართველოს მოსახლეობის მთლიან რაოდენობაზე გავამრავლებთ, ვნახავთ რომ ჯამში, საქართველოს მოსახლეობა წელიწადში 5 000 ტონამდე ყავას მოიხმარს.