რუსეთი თავს არ დაანებებს ყირიმს, რომელიც ისტორიულად მისი ტერიტორიაა. ამის შესახებ საფრანგეთის პრეზიდენტობის კანდიდატმა, ექს-პრემიერმა ფრანსუა ფიიონმა განაცხადა.

”უსარგებლოა გაჯიუტება და იმის თქმა, რომ რუსეთი ყირიმიდან უნდა წავიდეს, ეს არასდროს მოხდება”, - განაცხადა ფიიონმა გაზეთ Figaro-სთან ინტერვიუში.

მისი თქმით, ყირიმის საკითხთან მიმართებით აუცილებლია ორი ფუნდამენტალური და ერთმანეთის საპირისპირო პრინციპის გათვალისწინება: საზღვრების პატივისცემა და ხალხის თვითგამორკვევის უფლება.

”არავის შეუძლია უარყოს, რომ ყირიმი რუსეთისაა ისტორიული, კულტურული და ლინგვისტური თვალსაზრისით”, - აღნიშნა ექს-პრემიერმა.

ფიიონის აზრით, ყირიმთან დაკავშირებული სიტუაცია შესაძლოა, დარეგულირდეს გაეროს ეგიდით სპეციალური საერთაშორისო კონფერენციის მეშვეობით.