ქუჩაში ნაგვის დაყრისთვის ერთი მოქალაქე უკვე დაჯარიმდა. ამის შესახებ ინფორმაციას "თბილსერვის ჯგუფი" ავრცელებს.

"თბილსერვის ჯგუფის" დირექტორის პირველი მოადგილის დავით დოლიძის განცხადებით, დღის განმავლობაში 1 საჯარიმო ოქმი უკვე დაიწერა და 80 ლარიანი ჯარიმით იორდანიის მოქალაქე დაჯარიმდა.

აღნიშნული ფულადი სანქცია 2 კგ-მდე მუნიციპალური ნარჩენით გარემოს დანაგვიანებაზეა გათვალისწინებული.

შეგახსენებთ, რომ ნარჩენების მართვის კოდექსის შესაბამისად, 2 კგ-მდე მუნიციპალური ნარჩენით გარემოს დანაგვიანება ისჯება 80 ლარით, იგივე ქმედება ჩადენილი შენობა-ნაგებობიდან - 100 ლარით;

2 კგ-მდე მუნიციპალური ნარჩენით შენობა-ნაგებობიდან გარემოს დანაგვიანება - 100 ლარით ისჯება;

2 კგ-ზე მეტი მუნიციპალური ნარჩენით გარემოს დანაგვიანება - 150 ლარი, იგივე ქმედება ჩადენილი შენობა-ნაგებობიდან - 500 ლარი;