ამერიკული ავიამზიდი „კარლ ვინსონი“, რომელიც კორეის ნახევარკუნძულისკენ მიემართება, ჩრდილოეთ კორეამ შესაძლოა ერთი დარტყმით ჩაძიროს. ამის შესახებ  Reuters-ი  კორეის სახელმწიფო მედიაზე დაყრდნობით წერს.

„ასეთი დარტყმა ჩვენი სამხედრო ძალის დემონსტრაცია იქნება,“- ნათქვამია ოფიციალურ განცხადებაში. 

23 აპრილს, იაპონიის და სამხრეთ კორეის შეიარაღებულმა ძალებმა წყნარ ოკეანეში ავიამზიდ „კარლ ვინსონის" მეთაურობით აშშ-თან ერთობლივი სამხედრო სწავლების შესახებ განაცხადეს.

კორეის ნახევარკურძულზე სიტუაცია მას შემდეგ დაიძაბა, რაც აშშ-ის ხელისუფლებამ განაცხადა, რომ მზად არის ჩრდილოეთ კორეის სამხედრო ბაზებზე დარტყმა მიიტანოს, თუკი ფხენიანი კიდევ ერთ ბირთულ ცდას ჩაატარებს. ამაზე ჩრდილოეთ კორეამ განაცხადა, რომ საპასუხო დარტმას განახორციელებს. მოგვიანებით, ოფიციალური ვაშინგტონის პოზიცია შეიცვალა და თეთრ სახლში აღნიშნეს, რომ ამ ეტაპზე აშშ-ი ჩრდილოეთ კორეის წინააღმდეგ სამხედრო ძალის გამოყენებას არ აპირებს. 

ჩრდილოეთ კორეამ 2016 წლის დასაწყისიდან დღემდე 20 ბალისტიკური რაკეტა გაუშვა და 2 ბირთვული ცდა ჩაატარა, რაც გაერო-ს უშიშროების საბჭოს რეზოლუციას არღვევს.