პაკისტანში აფეთქებას 10 ადამიანი ემსხვერპლა
პაკისტანის ჩრდილო-აღმოსავლეთით მომხდარ აფეთქებას სულ მცირე ათი ადამიანი ემსხვერპლა. ”როიტერის” ინფორმაციით, ასაფეთქებელი მოწყობილობა მიკროავტობუსის გვერდით იმ დროს ამოქმედდა, როდესაც მგზავრები ავტობუსში ადიოდნენ. დაჭრილია კიდევ რვა ადამიანი, მათ შორის ორი ბავშვია.
მომხდარზე პასუხისმგებლობა ჯერჯერობით არცერთ დაჯგუფებას არ აუღია.
