აშშ-ის პრეზიდენტის დონალდ ტრამპის განცხადებით ჩრდილოეთ კორეასთან ბირთვული პროგრამის გამო დაპირისპირება შესაძლოა, სერიოზულ სამხედრო კონფლიქტში გადაიზარდოს. თუმცა მისივე თქმით, უმჯობესია შექმნილი ვითარება დიპლომატიური გზით მოგვარდეს.

ტრამპი ასევე დარწმუნებულია, რომ ჩრდილოეთ კორეის ლიდერს, რომელმაც თანამდებობა 27 წლის ასაკში დაიკავა, რთული პერიოდი ექნება.

”არსებობს იმის ალბათობა, რომ ჩრდილოეთ კორეასთან სერიოზული სამხედრო კონფლიქტი წარმოიშვას”, - განაცხდა ტრამპმა ”როიტერთან” ინტერვიუში.

ამასთან პრეზიდენტმა აღნიშნა, რომ კრიზისის მოგვარება მშვიდობიანი გზით სურს და ამჟამად მისი ადმინისტრაცია ჩრდილოეთ კორეის წინააღმდეგ ახალ ეკონომიკურ სანქციებს ამზადებს. მისივე თქმით, დიპლომატიური გზით პრობლემის მოგვარება ძალზედ რთული იქნება. ”ვისურვებდით, საკითხის გადაჭრას დიპლომატიური გზით, მაგრამ ეს ძალიან რთული იქნება”, - აღიარა პრეზიდენტმა.