საქართველოს სახალხო დამცველი, უჩა ნანუაშვილი სამართალდამცავთა მხრიდან ზოგიერთ შემთხვევებში არასათანადო რეაგირებაზე საუბრობს. მის ანგარიშში მოხვდა კორცხელისა და ბათუმის ინციდენტები.

ომბუცმენის აზრით, ორივე სიტუაციის გამწვავებას ხელი შეუწყო პოლიციის მხრიდან დაგვიანებულმა რეაქციამ, მისი აზრით მსგავსი ფაქტების პრევენციაზე მეტი რესურსი უნდა იყოს მიმართული.

"როცა არ ხდება მსგავს ინციდენტებზე დროული რეაგირება, ეს ფაქტიურად არის წახალისება მსგავსი დანაშაულის და ეს ნიშანი გამოიკვეთა ორივე შემთხვევაში. საზოგადოება პირდაპირ ეთერში ხედავდა კადრებს, როგორ ადევნებდა თვალყურს პოლიცია რიგ შემთხვევებში საკმაოდ მძიმე დანაშაულს", - განაცხადა უჩა ნანუაშვილმა.