აშშ რუსეთის წინააღმდეგ საინფორმაციო პროპაგანდისთვის ხარჯების გაზრდას გეგმავს. ამის შესახებ აშშ-ის სახელმწიფო მდივნის თანაშემწის მოადგილემ ევროპისა და ევრაზიის საკითხებში ბენჟამინ ზიფმა კონგრესში გამართულ მოსმენაზე განაცხადა.

აშშ-ის სახელმწიფო დეპარტამენტის წარმომადგენლის თქმით, 2016 წლისთვის ასიგნებები ”სამოქალაქო საზოგადოებისა და მედიის მხარდასაჭერად” რეგიონში, რომელიც რუსეთსაც მოიცავს, 26 -პროცენტით - 83 მლნ დოლარამდე გაიზრდება.

ზიფმა თავის გამოსვლაში აღნიშნა, რომ ვაშინგტონში რუსულ აუდიტორიაზე საუკეთესო ზემოქმედებად ტელევიზიას მიიჩნევენ, თუმცა ამერიკელებს მუშაობა და პროპაგანდის განხორციელება ძირითადად ინტერნეტითა და სოციალური ქსელით უწევთ.