პუტინი ჰომოსექსუალთა დევნის ფაქტს გამოეხმაურა
რუსეთის პრეზიდენტი ჩეჩნეთში სექსუალურ უმცირესობათა დევნის ფაქტს პირველად გამოეხმაურა.
„რა თქმა უნდა, ამის შესახებ გენერალურ პროკურორს ვესაუბრები. საუბარი მექნება შინაგან საქმეთა მინისტრთანაც იმ გავრცელებულ ინფორმაციასთან თუ ჭორებთან დაკავშირებით, რომელიც ჩრდილოეთ კავკასიაში არატრადიციული სექსუალური ორიენტაციის წარმომადგენელთა მდგომარეობას ეხება,“ - განაცხადა პუტინმა.
ინფორმაცია ჩეჩნეთში ჰომოსექსუალთა დევნის შესახებ პირველად გამოცემა "ნოვაია გაზეტამ" გაავრცელა.
