ოლანდი მაკრონს უფლებამოსილებას 14 მაისს გადასცემს
საფრანგეთის მოქმედი პრეზიდენტი ფრანსუა ოლანდი ემანუელ მაკრონს უფლებამოსილებას 14 მაისს გადასცემს. ამის შესახებ გაზეთი Figaro წერს.
ოლანდის მანდატი 14 მაისის ღამეს იწურება.
გუშინ საფრანგეთში საპრეზიდნეტო არჩევნების მეორე ტური გაიმართა. მაკრონმა ამომრჩევლების ხმათა 66,1 პროცენტით გაიმარჯვა. მას 20,7 მლნ-ზე მეტმა ამომრჩეველმა მისცა ხმა. ”ეროვნული ფრონტის ლიდერმა მარინ ლე პენმა 10,6 მლნ ხმა (33,9 პროცენტი) მიიღო.
