თბილისში ველობილიკები მოეწყობა
თბილისში, მტკვრის მარჯვენა და მარცხენა სანაპიროებზე ველობილიკები მოეწყობა. ველომოყვარულებს შეეძლებათ დედაენის ბაღიდან მარჯვენა სანაპიროს გავლით ვახუშტის ხიდამდე მისვლა და მარცხენა სანაპიროდან წრიულად ისევ დედაენის ბაღთან დაბრუნება.
"მოწესრიგდა ტროტუარებზე მდებარე სანიაღვრე ჭები, მოეწყო შუქნიშნებისთვის საძირკველი. მიმდინარეობს პანდუსების დამონტაჟება და ასფალტის საფარის შეკეთება. პროექტის ფარგლებში დედაქალაქში რამდენიმე ადგილას ველოსადგომებიც მოეწყობა", - განაცხადა მერიის ტრანსპორტის საქალაქო სამსახურის უფროსმა მამუკა მუმლაძემ.
