თამარა გაჩეჩილაძე ევროვიზიის ფინალში ვერ მოხვდა
თამარა გაჩეჩილაძე, ევროვიზიის სიმღერის კონკურსის ფინალში ვერ მოხვდა. ის სიმღერით Keep the Faith ევროვიზიის პირველ ნახევარფინალში მე-2 ნომრად გამოვიდა, თუმცა მისი საკონკურსო სიმღერა ნახევარფინალის ათ საუკეთესო ნომერს შორის ვერ მოხვდა.
ევროვიზიის პირველი ნახევარფინალი კიევის საერთაშორისო საგამოფენო ცენტრში 9 მაისს გაიმართა.
პირველ ნახევარფინალურ საღამოზე 18 კონკურსანტიდან ფინალში შემდეგი 10 ქვეყნის წარმომადგენლები გადავიდნენ: მოლდოვის, აზერბაიჯანის, საბერძნეთის, შვედეთის, პორტუგალიის, პოლონეთის, სომხეთის, ავსტრალიის, კვიპროსისა და ბელგიის.
მეორე ნახევარფინალი 11 მაისს გაიმართება.
