„ევროვიზიის“ კონკურსზე გამარჯვებას იტალიის წარმომადგენელს უწინასწარმეტყველებენ
იტალიელი ფრანჩესკო გაბანი სიმღერის საერთაშორისო კონკურსის „ევროვიზია-2017“-ის სავარაუდო გამარჯვებულია. შესაბამის პროგნოზს ბუკმეკერები აკეთებენ.
იტალიელი შემსრულებლის საშუალო კოეფიციენტი 1,8-ს შეადგენს. პროგნოზის თანახმად, მეორე ადგილს პორტუგალიელი სალვადორ სობრალი იკავებს, მესამეს კი -ბულგარეთის წარმომადგენელი კრისტიან კოსტოვი.
კონკურსის მეორე ნახევარფინალი კიევში დღეს გაიმართება, ფინალი კი 13 მაისს შედგება. საქართველოს წარმომადგენელმა თამარა გაჩეჩილაძემ ფინალში გადასვლა ვერ შეძლო.
