მოჭიდავე ზურაბ დათუნაშვილი დაჭრეს
ევროპის ჩემპიონი, მოჭიდავე ზურაბ დათუნაშვილი დაჭრეს. არსებული ინფორმაციით, მას ჭრილობა ცივი იარაღით აქვს მიყენებული და თბილისის ერთ-ერთ კლინიკაშია მოთავსებული.
შინაგან საქმეთა სამინისტროს განცხადებით, გამოძიება სსკ-ს 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს.
ბერძნულ-რომაული სტილით მოჭიდავე ზურაბ დათუნაშვილი 7 მაისს ევროპის ჩემპიონი გახდა. მან ევროპის ჩემპიონის ტიტული ზედიზედ მეორედ მოიპოვა.
