4-5 ნოემბერს საქართველოს ეკონომიკისა და მდგრადი განვითარების მინისტრი დიმიტრი ქუმსიშვილი ლიტვის რესპუბლიკას ეწვევა. საქართველოს სამთავრობო დელეგაციის წევრის რანგში, ის მონაწილეობას მიიღებს ოფიციალურ შეხვედრების მუშაობაში, რომელთაც საქართველოს პრემიერ-მინისტრი ირაკლი ღარიბაშვილი ლიტვის სამთავრობო და ბიზნეს წრეების წარმომადგენლებთან გამართავს.

5 ნოემბერს საქართველოს ეკონომიკისა და მდგრადი განვითარების მინისტრი დიმიტრი ქუმსიშვილი, როგორც საქართველო-ლიტვის ეკონომიკური თანამშრომლობის მთავრობათაშორისო კომისიის თანათავმჯდომარე, მონაწილეობას მიიღებს კომისიის პირველი სხდომის მუშაობაში. მისი დასრულების შემდეგ, დიმიტრი ქუმსიშვილი, თავის ლიტველ კოლეგასთან ერთად, ხელს მოაწერს კომისიის სხდომის ოქმს, რომელშიც აისახება ორი ქვეყნის სამომავლო ეკონომიკური თანამშრომლობის ძირითადი მიმართულებები.