სამმა შეიარაღებულმა პირმა 29 პოლიციელი გაძარცვა
სამმა შეიარაღებულმა პირმა 29 მექსიკელი პოლიციელი გაძარცვა. წესრიგის დამცველები აკაპულკოდან მექსიკაში მიდიოდნენ. გამოცემა Universal-ის ცნობით, აკაპულკოს ფედერაციული პოლიციის თანამშრომლები მეხიკოში ტურისტული ავტობუსით მიემგზავრებოდნენ. არცერთ მათგანს იარაღი არ ჰქონდა.
გზად ავტობუსი გაფუჭდა და მძღოლი იძულებული გახდა გაჩერებულიყო. ამით ისარგებლეს თავდამსხმელებმა, რომლებიც პოლიციელებს იარაღით ემუქრებოდნენ, მძარცველებმა სამართალდამცველებს საათები, მობილური ტელეფონები და ზურგჩანთები წაართვეს.
ინციდენტის შედეგად პოლიციელები არ დაშავებულან. მომხდართან დაკავშირებით დაწყებულია გამოძიება.
