რუმინეთის პრემიერ-მინისტრმა ვიქტორ პონტამ საპროტესტო აქციების ფონზე გადადგომის შესახებ განცხადება გააკეთა. საპროტესტო აქციები რუმინეთის დედაქალაქში ღამის კლუბში მომხდარი ხანძრის შემდეგ დაიწყო. როგორც ცნობილია, ხანძარმა 32 ადამიანი იმსხვერპლა.

20 ათასზე მეტი დემონსტრანტი პრემიერ-მინისტრის, ვიცე-პრემიერისა და შინაგან საქმეთა მინისტრის გადადგომას ითხოვდა. აქციის მონაწილეები ასევე მოითხოვდნენ ბუქარესტის იმ რაიონის ხელმძღვანლობის გადადგომას, სადაც ღამის კლუბი მდებარეობდა.

ვიქტორ პონტას თქმით, მასთან ერთად თანამდებობებს მინისტრთა კაბინეტის ყველა წევრი დატოვებს.

”ვინმემ მომხდარზე პასუხისმგებლობა უნდა აიღოს. ეს სერიოზული საკითხია და ჩვენ სიტუაციის სწრაფად მოგვარების პირობას ვდებთ”, - განაცხადა მმართველმა სოციალ-დემოკრატიული პარტიის ლიდერმა ლივიუ დრაგნიამ.

ღამის კლუბში ხანძარი 31 ოქტომბერს მოხდა. კონცერტის დროს შენობაში ცეცხლი გაუჩნდა პიროტექნიკას, რომლის გამოყენების ლიცენზია კლუბის მფლობელებს არ ჰქონდათ.

შენობაში 400 ადამიანი იმყოფებოდა. ღამის კლუბის მფლობელები დაკავებულები არიან.