"აღნიშნული ცრუ ინფორმაციისთვის, ცილისწამებისთვის, პატივისა და ღირსების შელახვისთვის მივმართავთ სასამართლოს, შეგვაქვს სარჩელი საპატრიარქოს წინააღმდეგ, - ამის შესახებ ბრალდებული დეკანოზის ადვოკატმა მიხეილ რამიშვილვილმა ჟურნალისტებს განუცხადა.

"ე.წ. ტრანზაქციები, რომელიც თურმე ხორციელდებოდა, არის სრული სიცრუე. მინდა ხაზი გავუსვა ერთ ფაქტს, რომ ეს ინფორმაცია ამ განცხადების თაობაზე იყო მამა გიორგის კომპიუტერში, რომელიც ინახება პროკურატურაში. ეს არის პროკურატურის მიერ ამოღებული მასალა, რომელიც გადაეცა საპატრიარქოს. ბატონი ედიშერ ქარჩავას მიერ გავრცელებული ინფორმაცია, თითქოს ის საბუთები ინახებოდა საპატრიარქოში, რომელიღაცა სასულიერო პირის კაბინეტში, არის სიცრუე. ეს დოკუმენტი არ ინახებოდა და ვერ შეინახებოდა საპატრიარქოში, რადგან მამა გიორგი თითქმის ერთი წელი არ ყოფილა საპატრიარქოში, იმ კაბინეტში. მე დარწმუნებული ვარ, რომ პროკურატურა საპატრიარქოსთან თანამშრომლობს და ფაილებს უგზავნის", - განაცხადა მიხეილ რამიშვილმა.