12 მომხრე, 3 მოწინააღმდეგე - ზუგდიდს თვითმმართველი ქალაქის სტატუსი შეუჩერდა. მუნიციპალიტეტების შერწყმის საკითხს საკრებულოს სხდომაზე მხარი დაუჭირეს.

არსებული ინფორმაციით, კენჭისყრამდე ქალაქ ზუგდიდის საკრებულოს სხდომა, რომელზეც მუნიციპალიტეტების შერწყმის მხარდაჭერის საკითხი განიხილებოდა, შეწყდა, რისი მიზეზიც საკრებულოს თავმჯდომარის, ნატალია შეროზიას მიერ სხდომის დატოვება გახდა.

ამას წინ უძღოდა მისი და საკრებულოს წევრების სიტყვიერი დაპირისპირება და ორსაათიანი ხმაურიანი გამოსვლები მათი მხრიდან. ”ნაციონალურმა მოძრაობამ” მოითხოვა, რომ კენჭისყრაზე საკითხი საერთოდ არ გაეტანათ და ზუგდიდის მცხოვრებლების უფლებები და ღირსება დაეცვათ. სწორედ ამ მოთხოვნის შემდეგ დატოვა ნატალია შეროზიამ სხდომათა დარბაზი.