მანჩესტერში მომხდარი აფეთქების შედეგად დაღუპულთა შორის ბავშვებიც არიან. ინფორმაციას მანჩესტერის პოლიციაც ადასტურებს. ამის შესახებ „ბი ბი სი“ იტყობინება.

 „მოცემული მომენტისთვის დეტალებზე საუბარი არ შემიძლია, მაგრამ რისი დადასტურებაც შემიძლია, არის ის, რომ დაღუპლთა შორის არიან ბავშვებიც“,- განაცხადა პოლიციის წარმომადგენელმა იენ ჰოპკინსმა.

ორი აფეთქება მანჩესტერ-არენაზე მიმდინარე კონცერტზე გუშინ საღამოს მოხდა. სტადიონზე მომღერალ არიანა გრანდეს კონცერტი იმართებოდა.

ბრიტანული პოლიცია ამჟამად 22  გარდაცვლილისა და 50 დაშავებულის შესახებ იტყობინება. ასევე, მანჩესტერში მომხდარ შემთხვევას ტერაქტის კვალიფიკაცია მიენიჭა.

უცხოური მედიის ცნობით, ინციდენტის გამო ხალხი პანიკურად ტოვებდა არენას, რომელიც 21000 მაყურებელს იტევს.

"ყველა ყვიროდა და გარბოდა, ძირს ხალხის ტანსაცმელი და ტელეფონები ეყარა, ისინი ყველაფერს იშორებდნენ",- აცხადებს 22 წლის რობერტ ტემპკინი "BBC"-სთან კომენტარში.

ბრიტანულ პოლიცია საგანგებო რეჟიმზეა გადასული. დახურულია ქალაქის რკინიგზა.