სოზარ სუბარი - პროკურატურის დადანაშაულების ნაცვლად, თორდიამ უმჯობესია მოყვეს, რა მოხდა სინამდვილეში
სახელმწიფო აუდიტის ხელმძღვანელების განცხადებები მათ თანამდებობრივ უფლება მოვალეობებს გაცდა, - აცხადებს დევნილთა და განსახლების მინისტრი.
სოზარ სუბარის თქმით, მას არ უნახავს, თუ რა სახის ვიდეომასალა გავრცელდა ლაშა თორდიასთან დაკავშირებით, თუმცა მიიჩნევს, რომ პროკურატურის დადანაშაულების ნაცვლად, სჯობს მოყვეს, რა მოხდა სინამდვილეში.
მინისტრი მიიჩნევს, რომ აუდიტის სამსახურის ხელმძღვანელის ბოლოდროინდელი განცხადებები გარკვეულ პილიტიკურ თამაშებს ემსახურება.
სოციალურ ქსელში გავრცელდა ვიდეო, რომლის ავტორთა მტკიცებით, კადრებში ლაშა თორდიაა ასახული.
სახელმწიფო აუდიტის სამსახურის უფროსი ლაშა თორდია ადასტურებს, რომ ნამდვილად არის იმ ვიდეოკადრებში. მისი თქმით, კადრები გადაღებულია თბილისში, ფალიაშვილის ქუჩაზე მდებარე ერთ-ერთ ბარში.
