ტერაქტის შემდეგ ბრიტანეთში სამი პირი დააკავეს
მანჩესტერის ტერაქტში ეჭვმიტანილი კიდევ სამი პირი დააკავეს, - ამის შესახებ ინფორმაციას BBC ავრცელებს.
ქალაქში უსაფრთხოების ზომები უკიდურესად გამკაცრებულია. გაერთიანებული სამეფოს პრემიერ-მინისტრმა ტერეზა მეიმ ჯარისკაცებს მოუწოდა მოქალაქეების უსაფრთხოების უზრუნველყოფის მიზნით, საზოგადოებრივი თავშეყრის ადგილებში განლაგდნენ.
მანჩესტერში ტერაქტს 22 ადამიანის სიცოცხლე ემსხვერპლა, 64 დაშავდა, ხოლო 20-მდე მათგანის მდგომარეობა კრიტიკულია. გარდაცვლილებს შორის არიან მოზარდებიც. ცხედრების იდენტიფიცირება ამ წუთებშიც მიმდინარეობს.
