ხმელთაშუა ზღვაში მიგრანტების გემის კატასტროფის შედეგად 35 ადამიანი დაიღუპა. ამის შესახებ იტალიის სანაპირო დაცვის წარმომადგენლებმა განაცხადეს.

მიგრანტების ჩრდილოეთ აფრიკიდან იყვნენ. დაღუპულთა შორის არიან ბავშვები.

ინციდენტი ლიბიის სანაპიროებიდან 30 მილის დაშორებით მოხდა.

ბორტზე 500 მიგრანტი იმყოფებოდა.

სამაშველო სამუშაოების შედეგად მათი უმეტესობის გადარჩენა მოხერხდა. თუმცა არ არის გამორიცხული რომ ზოგიერთი მათგანი უგზო-უკვლოდ იყოს დაკარგული.  

არასამთავრობო ორგანიზაციების განცხადებით, კატასტროფა ლიბიის სანაპირო დაცვის კატერმა გამოიწვია, რომელიც არასწორი მანევრის შედეგად ზედმეტად ახლოს მივიდა მიგრანტების გემთან.