გაერთიანებული სამეფოს მთავრობა სერიოზულად ეჭვობს იმის შესახებ, რომ სინაის ნახევარკუნძულზე რუსული თვითმფრინავის А321-ის ჩამოვარდნის მიზეზი ასაფეთქებელი მოწყობილობაა. ამასთან დაკავშირებით დიდმა ბრიტანეთმა შარმ-ელ-შეიხიდან გაერთიანებულ სამეფოში ავიაკომპანიების ყველა რეისი გააუქმა. ამის შესახებ ქვეყნის პრემიერ-მინისტრის საიტზე განთავსებულ განცხადებაშია ნათქვამი.
დიდი ბრიტანეთის შინაგან საქმეთა მინისტრის ფილიპ ჰამონდის თქმით, კატასტროფის მიზეზი დიდი ალბათობით შესაძლებელია ყოფილიყო ლაინერის ბორტზე დამონტაჟებული ასაფეთქებელი მოწყობილობა. მისი თქმით, შესაბამის დასკვნამდე მივიდნენ მინისტრთა კაბინეტის წევრები პრემიერ კემერონის მეთაურობით.

ამ დროისათვის დიდი ბრიტანეთის სპეცსამსახურები და საკონსულოს თანამშრომლები შარმ-ელ-შეიხის აეროპორტში მუშაობენ. ჰამონდმა აღნიშნა, რომ ყველა აუცილებელი შემოწმება იმ დრომდე გაგრძელდება, ვიდრე ეს საჭირო იქნება.