კიდევ ორი ადამიანი ემსხვერპლა ვენესუელაში მიმდინარე საპროტესტო აქციებს.

პროკურატურის ინფორმაციით, ეროვნული გვარდიის ლეინტენანტს ადამიანთა ჯგუფი თავს დაესხა და ფიზიკურად გაუსწორდა. ინციდენტი აქციების ერთ-ერთი მსხვერპლის დაკრძალვაზე  მოხდა.  

ამის გარდა დაიღუპა 20 წლის ახალგაზრდა მამაკაცი, რომელიც ორი დღის წინ ქალაქ ლეჩერიაში საპროტესტო აქციაზე დაიჭრა.

ვენესუელაში ორი თვეა საპროტესტო აქციები გრძელდება. დემონსტრციის მონაწილეები  უმაღლესი სასამართლოს მიერ ოპოზიციური ნაციონალური ასამბლეის საქმიანობის შეზღუდვის გადაწყვეტილებას აპროტესტებენ და ვადამდელი არჩევნების დანიშვნას მოითხოვენ. ბოლო მონაცემებით საპროტესტო  აქციებისას 60 ადამიანია დაღუპული.