თამბაქოს მოხმარებისგან ყოველწლიურად მსოფლიოში 7 მლნ ადამიანი იღუპება. ამის შესახებ ჯანდაცვის მსოფლიო ორგანიზაციის მოხსენებაშია ნათქვამი.

 „დაავადება, რომელიც თამბაქოს მოხმარებას უკავშირდება, ადამიანის ჯანმრთელობას ყველაზე დიდ ზიანს აყენებს, მსოფლიოში ყოველწლიურად 7 მლნ-ზე მეტი ადამიანი კვდება“, - ნათქვამია ორგანიზაციის მოხსენებაში, რომელიც დღესთან თამბაქოს გარეშე დაკავშირებით გამოაქვეყნა. დღე თამბაქოს გარეშე მთელს მსოფლიოში 31 მაისს აღინიშნება.

ორგანიზაცია მსოფლიოს ქვეყნების მთავრობებს მოუწოდებს თამბაქოს მოხმარებაზე მკაცრი ზომები დააწესოს. „თამბაქოს მოხმარება ზრდის სიღარიბეს, ამცირებს ეკონომიკურ ეფექტურობას და იწვევს ჰაერის დაბინძურებას“, -განაცხადა ირგანიზაციის ხელმძღვანელმა მარგარეტ ჩანმა.

ამის გარდა ორგანიზაცია აღნიშნავს, რომ თამბაქოს მოხმარება გარემოზე სერიოზულ ნეგატიურ ზემოქმედებას ახდენს. „თამბაქოს ნაწარმის მოხმარება შეიცავს 7 ათასზე მეტ ტოქსიკურ ქიმიურ ნივთიერებას, რომელიც გარემოს ანადგურებს“, - ნათქვამია მოხსენებაში.