ამერიკელმა სამხედროებმა სირიელი ქურთების მსუბუქი შეიარაღება დაიწყეს. ქურთებმა მონაწილეობა უნდა მიიღონ რაქის გათავისუფლებაში, რომელსაც „ისლამური სახელმწიფო“ აკონტროლებს.  

ბი-ბი-სის ცნობით, აშშ შეიარაღებული ოპოზიციის რიგებში მყოფ  ქურთთა რაზმებს „ისლამური სახელმწიფოს“ წინააღმდეგ ბრძოლის შემადგენელ ნაწილად განიხილავს.

თუმცა ვაშინგტონის გადაწყვეტილებამ შესაძლოა გამოიწვიოს თურქეთის გაღიზიანება, რომელიც ქურთებს სეპარატიზმში ადანაშაულებს.

ქალაქ რაქას 2014 წლის იანვრიდან „ისლამური სახელმწიფო“ აკონტროლებს და ის სირიაში ჯიხადისტების მთავარ დასაყრდენად მიიჩნევა.

ქალაქზე იერიში, რომელიც ამბოხებულებთან ერთად ამერიკის ავიაციის მხარდაჭერით ხორციელდება, 2016 წლის ნოემბერში დაიწყო.