ისრაელის ქნესეთის თავმჯდომარის, იული ედელშტეინის შეფასებით, საქართველოს პარლამენტთან გაფორმებული მემორანდუმი იქნება საფუძველი ქვეყნებს შორის ურთიერთობის კიდევ უფრო გამყარების.

როგორც დღეს გამართულ ბრიფინგზე ედელშტეინმა განაცხადა, დავით უსუფაშვილთან ნაყოფიერი შეხვედრა გაიმართა.

მისი თქმით, ისრაელს საქართველოსთან თანამშრომლობის უნიკალური გამოცდილება აქვს, რადგან საქართველოში ებრაული სათვისტომო ათასობით წლების განმავლობაში ცხოვრობდა.

„ქვეყნებს არაჩვეულებრივი და კარგი ურთიერთობები გვაქვს. აღსანიშნავია ის დიდი მიღწევა, რომელიც ღიაობის თვალსაზრისით, საქართველოს პარლამენტს აქვს. შეიძლება, პარლამენტებს შორის ურთიერთობა უფრო მნიშვნელოვანია, ვიდრე მთავრობებს შორის, რადგან პარლამენტში ხალხის წარმომადგენლები არიან, მინისტრები კი, მიდიან და მოდიან“, - განაცხადა ედელშტეინმა.

დღეს, საქართველოსა და ისრაელის პარლამენტის თავმჯდომარეებმა ურთიერთთანამშრომლობის მემორანდუმი გააფორმეს.