ქაბულში აფეთქების შედეგად მსხვერპლთა რაოდენობა 80-მდე გაიზარდა
ქაბულში აფეთქების შედეგად მსხვერპლთა რაოდენობა 80-მდე გაიზარდა. ამის შესახებ ტელეარხი Tolo News-ი ავღანეთის ჯანდაცვის სამინისტროზე დაყრდნობით იტყობინება და ინფორმაციას კიდევ 325 დაშავებულის შესახებ ავრცელებს.
ძლიერი აფეთქება ქაბულში დღეს დილით პრეზიდენტის სასახლისა და უცხო ქვეყნების საელჩოების სიახლოვეს მოხდა. დაზიანდა უამრავი შენობა.
წინასწარი ინფორმაციით, წყლის გადამზიდი დანაღმული ავტომობილი გერმანიის საელჩოსთან აფეთქდა.
