ქაბულში დემონსტრანტებსა და პოლიციას შორის შეტაკება მოხდა. როგორც ტელეარხი Tolo News-ი დემონსტრანტებზე დაყრდნობით იუწყება, პოლიციამ მათ ცეცხლი გაუხსნა, რის შედეგადც ერთი ადამიანი დაიღუპა და რვა დაიჭრა.

პოლიციამ აქციის დასაშლელად გამოიყენა ცრემლსადენი გაზი და წყლის ჭავლი.

აქციის მონაწილეები ტერაქტის შემდეგ, რომელსაც 100-მდე ადამიანი ემსხვერპლა,  პრეზიდენტ აშრაფ განის გადადგომას მოითხოვენ.

„როიტერის“ ონფორმაციით, პოლიციამ ცეცხლი მას შემდეგ გახნა, რაც აქციის მონაწილეებმა პოლიციელთა კორდონის გარღვევა სცადეს.

პოლიციამ რამდენიმე დემონსტრანტი დააკავა.

ქაბულში მომხდარი აფეთქების შედეგად დაიღუპა 100  და დაშავდა კიდევ 600 ადამიანი. მომხდარზე პასუხისმგებლობა „ისლამურმა სახელმწიფომ“ აიღო.