„ისლამურმა სახელმწიფო“ თეირანში ირანის პარლამენტსა და იმამ ჰომეინის მავზოლეუმზე თავდასხმაზე პასუხისმგებლობა აიღო.

შეიარაღებული ადამიანების ჯგუფი პარლამენტში შეიჭრა. თავდასხმის შედეგად შვიდი ადამიანი დაიღუპა, კიდევ ოთხი ადამიანი თავდამსხმელებმა მძევლებად აიყვანეს. სააგენტო Fars-ის ცნობით, ერთ-ერთი თავდამსხმელი თვითმკვლელია. ამ მომენტისთვის ის უშიშროების ძალების მიერაა გარშემორტყმული. გავრცელებული ინფორმაციით ერთ-ერთმა თავდამსხმელმა პარლამენტის შენობა დატოვა და სროლა ქუჩაში განაგრძო.

კიდევ ერთი თავდასხმა მოხდა ჰომეინის მავზოლეუმის ტერიტორიაზე. თავდამსხმელებმა ცეცხლი გახსენს, რის შედეგადაც  ერთი ადამიანი დაიღუპა და ხუთი დაიჭრა. ამის გარდა ერთ-ერთმა თავდამსხმელმა თავი აიფეთქა.

დაპატიმრებულია ორი ადამიანი.