პუერტო-რიკოს მცხოვრებლებმა რეფერენდუმზე მხარი დაუჭირეს აშშ-ის კონგრესისადმი მიმართვას ამერიკასთან შეერთებასთან დაკავშირებით და მის 51-ე შტატად გახდომას.

ამჟამად პუერტო-რიკო აშშ-სთან ასოცირებულ სახელმწიფოს წარმოადგენს და ფაქტობრივად ამერიკის კონტროლის ქვეშ იმყოფება.

რეფერენდუმში მონაწილეობა მოსახლეობის 23 პროცენტმა მიიღო. ამერიკასთან შეერთებას მხარი 97 პროცენტმა დაუჭირა.

საბოლოო გადაწყვეტილების მიღება აშშ-ის კონგრესს ეკუთვნის.

ეს უკვე მეხუთე რეფრენდუმია პუერტო-რიკოს სტატუსზე. წინა პლებისციტი 2012 წელს გაიმართა, რომელზეც ამომრჩევლების უმრავლესობამ მხარი ამერიკასთან შეერთებას დაუჭირა.

თუმცა აშშ-ის კონგრესს რეფრენდუმის შემდეგ არანაირი ზომები არ მიუღია.