მერილენდის შტატის გენერალური პროკურორი ბრაიან ფროში და მისი ვაშინგტონელი კოლეგა კარლ რასინი ქვეყნის პრეზიდენტს დონალდ ტრამპს უჩივიან. ამის შესახებ Washington Post-ი წერს.

მოსარჩელეების აზრით, ის ფაქტი, რომ ტრამპის კომპანიები უცხოელებისგან მილიონობით გადასახდებს მას შემდეგაც იღებდნენ, რაც ტრამპი პრეზიდენტი გახდა, ანტიკორუფციული კანონომდებლობის დარღვევას წრამოადგენს.

თანამდებობის დაკავებამდე ტრამპი აცხადებდა, რომ თავის ბიზნეს-აქტივებს ნდობით აღჭურვილ სამართლებრივ ინსტიტუტს გადასცემდა, რომელსაც მისი ვაჟები უხელმძღვანელებდნენ, რათა ინტერესთა კონფლიქტი გამორიცხულიყო.

თუმცა მერილენდისა და ვაშინგტონის პროკურორების აზრით, ტრამპმა პირობა არ შეასრულა და თავისი კომპანიის ფინანსური მდგომარეობის შესახებ ანგარიშებს რეგულარულად იღებს.