მელანია ტრამპი შვილთან ერთად თეთრ სახლში გადავიდა
აშშ-ის პირველი ლედი მელანია ტრამპი შვილთან ბარონთან ერთად თეთრ სახლში ოფიციალურად გადავიდა.
დონალდ ტრამპის ინაუგურაციის შემდეგ ისინი ნიუ-იორკში ცხოვრობდნენ, რათა 11 წლის ბიჭს სკოლაში სასწავლო წელი დაესრულებინა.
ეს გადაწყვეტილება ბევრს უცნაურად მოეჩვენა, რადგან პრეზიდენტის ცოლები ჩვეულებრივად თეთრ სახლში ინაუგურაციის შემდეგ გადადიან.
როგორც „ბი-ბი-სი“ იუწყება, ნიუ-იორკის მცხოვრებლებს მელანიას გადასვლა ძალიან გაუხარდათ, რადგან დაცვის გაძლიერებულმა ზომებმა საგზაო მოძრაობის დარღვევა გამოიწვიეს Trump Tower-ის მიმდებარე ქუჩებში, სადაც მელანია ცხოვრობდა.
