ბანგლადეშში ძლიერი წვიმების შედეგად 46 ადამიანი დაიღუპა
ბანგლადეშში ძლიერ წვიმებსა და მეწყერს 46 ადამიანი ემსხვერპლა.
კოკისპირული წვიმები ბანგლადეშის აღმოსავლეთ ნაწილში გუშინ დილიდან დაიწყო. ყველაზე მეტად რანგამატისა და ბანდარბანის ოლქები დაზარალდა. დაზარალებულ რაიონებში არ მუშაობს სატელეფონო კავშირი, შეჩერებულია ტრანსპორტის გადაადგილებაც.
ქვეყანაში მუსონების პერიოდი ივნისიდან სექტემბრის ჩათვლით გრძელდება. ამასთან უხვი წვიმების შედეგად გამოწვეული მეწყერი ხშირად ათობით ადამიანის სიცოცხლეს იწირავს.
