რუსეთის პრეზიდენტი  თანამოქალაქეთა შეკითხვებს პასუხებს. კონფერენცია რუსეთის წამყვანი არხების პირდაპირ ეთერში გადაიცემა. კრემლის ლიდერი რუსეთის სხვადასხვა ქალაქისა და რეგიონების მოსახლეობას პოლიტიკური, ეკონომიკური და სოციალური სახის შეკითხვებზე პასუხობს. პირდაპირი ხაზის ფორმატში კონფერენციას პუტინი მე-15-ედ მართავს.

მოსახლეობის კითხვები ძირითადად მძიმე სოციალურ პირობებს, დაბალ ანაზღაურებას და უმუშევრობას ეხება, თუმცა რამდენიმე შეკითხვა რუსეთის საგარეო პოლიტიკის ირგვლივაც დაისვა. 

კითხვაზე, როგორ აპირებს რუსეთი დასავლეთის მიერ დაწესებული სანქციებით მომავალში ცხოვრებას, პრეზიდენტმა უპასუხა, რომ ქვეყანა ყოველთვის სხვა სახელმწიფოების მხრიდან მომდინარე აგრესიის პირობებში ცხოვრობდა, მაგრამ ამას რუსეთი არ დაუნგრევია.

„რუსეთის ისტორია გვაჩვენებს, რომ ჩვენ ყოველთვის გვიწევდა ცხოვრება სხვა ქვეყნების მხრიდან მომდინარე აგრესიისა და კონკურენციის პირობებში, თუმცა ამას რუსეთი არ დაუნგრევია. შეერთებული შტატების სენატმა კიდევ ერთხელ დაუჭირა მხარი სანქციების გაფართოების კანონპროექტს, თუმცა არ მესმის, რატომ. ახლა არაფერი ხდება და მაინც გადაწყვიტეს, სანქციების გაფართოება. ჩემი აზრით, ერთი მხრივ, ეს არის შტატებში არსებული შიდა პოლიტიკური დაპირისპირების გამოვლინება. მეორე მხრივ, დარწმუნებული ვარ, ყირიმი და სხვა პრობლემები რომ არ ყოფილიყო, დასავლეთი რაიმეს მოიმიზეზებდა“, - განაცხადა ვლადიმერ პუტინმა.