სომხეთიდან ბათუმში 07:10 წუთზე პირველი მატარებელი შემოვიდა. მატარებელი 180 ადგილიანია და ის 1-ველ ოქტომბრამდე, ყოველდღე ივლის. გადაწყვეტილება ტურისტულ სეზონზე სომხეთიდან ტურისტების ნაკადის ზრდის გამო მიიღეს. ინფორმაციას ბათუმელები ავრცელებს.

მატარებელი ყოველდღიურად ივლის ერევნიდან ბათუმში და მგზავრობის ღირებულება კლასის მიხედვით განისაზღვრება. ბილეთის ფასი შვეიცარული ფრანკის ექვივალენტშია დადგენილი.

მოდერნიზებულ ვაგონში პლაცკარტის ღირებულება 37,80 ლარია, მოდერნიზებული კუპირებული კი, 64,44 ლარი ღირს.

1 ივლისიდან ბათუმი-თბილისის მიმართულებით, შტაბლერის ტიპის ორსართულიანი, 4 მატარებელი ივლის.