„საყოველთაო ჯანდაცვისა“ და „დედათა და ბავშვთა ჯანმრთელობის დაცვის“ პროგრამებში აღმოჩენილი დარღვევების გამო სამედიცინო რეგულირების სახელმწიფო სააგენტომ ბათუმის სამშობიარო სახლი 57 ათასი ლარით დააჯარიმა.

გადაწყვეტილება სააგენტოს სასარგებლოდ ბათუმის საქალაქო სასამართლომ მიიღო.

როგორც სამშობიარო სახლის დირექტორმა ჯუმბერ უნგიაძემ განაცხადა, გეგმიური შემოწმების დროს ის პერიოდი შეისწავლეს, როდესაც ჯუმბერ უნგიაძე სამშობიარო სახლს არ ხელმძღვანელობდა. 

„ვადასტურებ, რომ 57 ათასი ლარით დაგვაჯარიმეს, მაგრამ ამ გადაწყვეტილებას აუცილებლად გავასაჩივრებთ. ის ხარვეზები, რომლის გამოც დაგვაჯარიმეს, თითქმის გამოსწორებულია“, - განაცხადა ჯუმბერ უნგიაძემ.