საკონსტიტუციო მონარქიაზე მსჯელობა გვექნება - ირაკლი კობახიძე
საკონსტიტუციო მონარქიაზე გუნდში მსჯელობა გვექნება, - ამის შესახებ საქართველოს პარლამენტის თავმჯდომარემ, ირაკლი კობახიძემ პატრიარქის ინიციატივასთან დაკავშირებით განაცხადა, რომელიც საკონსტიტუციო მონარქიას ეხებოდა.
როგორც ირაკლი კობახიძემ აღნიშნა, საკონსტიტუციო მონარქიის საკითხზე გუნდში ჯერ არ უმსჯელიათ.
საკონსტიტუციო მონარქიის შესახებ კათოლიკოს-პატრიარქმა ილია მეორემ საკვირაო ქადაგებისას ისაუბრა.
"ხშირი შემთხვევაა, როცა მეფე მეფობს, მაგრამ არ მართავს, ამას ეწოდება კონსტიტუციური მონარქია და სიმშვიდე შემოაქვს ქვეყანაში", - აღნიშნა ილია მეორემ.
