საქართველოს პრეზიდენტმა, გიორგი მარგველაშვილმა საქართველოს პარლამენტს მოუწოდა არ მიიღოს უაღრესად დაჩქარებული წესით შეუთანხმებელი ცვლილებები კონსტიტუციასთან დაკავშირებით.

პრეზიდენტის თქმით, ქართული დემოკრატიის განვითარებას პრობლემა არ უნდა შეექმნას.

„მოვუწოდებ პარლამენტს, არ მიიღოს უაღრესად დაჩქარებული წესით შეუთანხმებელი ცვლილებები კონსტიტუციასთან დაკავშირებით; დაუბრუნდეს ვენეციის კომისიის მიერ შემოთავაზებულ შენიშვნებს, რეკომენდაციებს და სწორედ ამ სულისკვეთების რეჟიმში დაწეროს უკეთესი ვერსია. შევქმნათ ერთიანი თანხმობის დოკუმენტი. შევქმნათ დოკუმენტი, რომელიც იქნება დაფუძნებული კონსენსუსზე და ვენეციის კომისიის მიერ შემოთავაზებულ ფუნდამენტურ პრინციპებზე.

იმედი მაქვს, რომ ამ რთულ ვითარებაში პატივცემული დეპუტატები, საპარლამენტო უმრავლესობა არ იქნებიან ჩართული დაჩქარებულ რეჟიმში და გაგრძელდება კონსტიტუციის განხილვას ჩემს მიერ შემოთავაზებულ პრინციპზე“, - განაცხადა მარგველაშვილმა.