ხმაური და დაპირისპირება იყო გვიან ღამით გამრეკელის ქუჩაზე. შეკრებილები აცხადებენ, რომ ნიკოლოზ მაქარაშვილის მრევლის წევრები არიან. მას გამრეკელის ქუჩაზე დროებით საცხოვრებელ ბინაში მეპატრონის მოთხოვნის საფუძველზე არ უშვებენ.

ვითარების განმუხტვას მთელი ღამის განმავლობაში ცდილობდა რამდენიმე ათეული საპატრულო ეკიპაჟი და კრიმინალური პოლიცია.

ისინი ძალის გამოყენებით შეეცადნენ სახლში შეღწევას, სადაც ოჯახის მეპატრონეები იმყოფებოდნენ.

ვითარება გამრეკელის 39 ნომერში რამდენჯერმე დაიძაბა, რის გამოც პოლიციამ რამდენიმე პირი გაიყვანა ადგილიდან, თუმცა არავინ დაუკავებია.

ნიკოლოზ მაქარაშვილის მოთხოვნის დასაკმაყოფილებლად მისი მომხრეების ნაწილი შენობის სახურავზეც ავიდა და თვითმკვლელობით იმუქრებოდა.

ვითარება ადგილზე მას შემდეგ განიმუხტა, რაც სახლის მეპატრონეები დათანხმდნენ სახლში ისევ შეეშვათ ნიკოლოზ მაქარაშვილი.

საპატრიარქოში აცხადებენ, რომ ბერ ნიკოლოზს თითქმის 20 წელია, ჯანმრთელობასთან დაკავშირებული გარკვეული მიზეზების გამო შეჩერებული აქვს მღვდელმსახურება.