ბრიუსელში ლიკვიდირებული ტერორისტის ვინაობა ცნობილია
ბრიუსელის ცენტრალურ სადგურში ლიკვიდირებული ტერორისტის ვინაობა სამართალდამცველებისთვის ცნობილია, - ამის შესახებ ბელგიის შინაგან საქმეთა მინისტმა იან იამბონმა განაცხადა.
მისივე თქმით, ტერორისტის შესახებ პოლიციას ინფორმაცია ადრეც ჰქონდა. მისი ვინაობა, გამოძიების ინტერესებიდან გამომდინარე, ჯერ არ სახელდება.
როგორც იამბონი განმარტავს, ტერორისტი უფრო დიდი სიმძლავრის აფეთქებას გეგმავდა, რაც ვერ მოახერხა. პოლიციამ მომხდარს ტერაქტის კვალიფიკაცია მისცა.
