საუდის არაბეთის მეფემ ტახტის მემკვიდრე შეცვალა
საუდის არაბეთის მეფემ ტახტის მემკვიდრე შეცვალა. დღეიდან მონარქის მემკვიდრე მისი შვილი, თავდაცვის მინისტრი მოჰამედ იბნ სალმანი იქნება. ის ასევე ვიცე-პრემიერის პოსტს შეითავსებს.
მეფემ მოსახლეობას ტახტის ახალი მემკვიდრისადმი ერთგულების ფიცის დადებისკენ უკვე მოუწოდა. საუდის არაბეთის ტახტის მემკვიდრე აქამდე მეფის ძმის შვილი მოჰამედ იბნ ნაიფი იყო, რომელსაც ეს ტიტული ჩამოართვეს და შინაგან საქმეთა მინისტრის პოსტიდანაც გადააყენეს.
იბნ ნაიფი წლების განმავლობაში ანტიტერორისტულ ოპერაციებს ხელმძღვანელობდა. ბოლო პერიოდში კი მან გავლენა დაკარგა.
