ანტალიაში ”ისლამურ სახელმწიფოსთან” კავშირში მყოფი 20 ეჭვმიტანილი დააკავეს
თურქეთის პოლიციამ ანტალიაში სპეცოპერაციისას ”ისლამურ სახელმწიფოსთან” კავშირში მყოფი 20 ადამიანი დააკავა. ამის შესახებ სააგენტო DHA იტყობინება.
სააგენტოს წყაროს ინფორმაციით, სპეცოპერაცია G20-ის ქვეყნების ლიდერების სამიტის უსაფრთხოების უზრუნველყოფის ფარგლებში ჩატარდა. სამიტი ანტალიაში 15-16 ნოემბერს იმართება.
სხვადასხვა მონაცემებით, ”ისლამური სახელმწიფოს” მიერ კონტროლირებადი ტერიტორია 90 ათას კვადრატულ მეტრს მოიცავს. ექსტრემისტული ორგანიზაციის წევრთა რაოდენობა კი დაახლოებით 200 ათასს შეადგენს. გავრცელებული ინფორმაციით, მათგან 30 ათასი მებრძოლი უცხოელია.