ვერთვები ბრძოლაში თბილისის გადასარჩენად, - განაცხადა ენმ-ის თბილისის მერობის კანდიდატად წარდგენისას „რუსთავი 2“-ის გენერალური დირექტორის ყოფილმა მოადგილემ, ზაალ უდუმაშვილმა.

მისი თქმით, დღეს ყველა თბილისელისთვის უმნიშვნელოვანეს ადგილზე იღებს გამოწვევას და ერთვება არჩევნებში.

„მინდა განვაცხადო, რომ მე ვიღებ გამოწვევას და ვერთვები ბრძოლაში თბილისის გადასარჩენად. მოვიდა დრო მოვისმინო თქვენი აზრი, თბილისის ქუჩებში, ეზოებში, სახელებში, პარკებსა და სკვერებში, ყველგან, სადაც ხართ, ყველგან, სადაც თბილისია. მოვიდა დრო,  მოვიდე თქვენთან, გავიგო, რა გიჭირთ, რა გჭირდებათ იმისთვის, რომ იცხოვროთ უკეთესად. დღეს თბილისელები გაბრაზებულები ვართ, არასდროს ყოფილა ჩვენი ქალაქი მიტოვებული ისე, როგორც დღეს. არასდროს ამდენი მოუგვარებელი პრობლემა არ დარჩენილა. მე, როგორც ჩვენ, ვარ გაბრაზებული. მე გაბრაზებული თბილისელების მერობის კანდიდატი ვარ. მინდა, თბილისი იყოს ბედნიერი ადამიანების ქალაქი“, - განაცხადა უდუმაშვილმა.

ცერემონია მეტეხის ტაძრის ეზოში გაიმართა.