ვაშინგტონმა განაცხადა, რომ ბაშარ ასადი ახალი ქიმიური თავდასხმისთვის ემზადება და პირობა დადო, რომ თუ ეს მართლაც მოხდება, სირიის დიქტატორი უმკაცრესად აგებს პასუხს.

თეთრი სახლის განცხადებით, ამერიკა აკვირდება მზადებას, რომელიც ძალიან  გავს 4 აპრილს განხორციელებული ქიმიური შეტევის წინა სამზადისს.

„როგორც მანამდე ვაცხადებდით, აშშ სირიაში „ისლამური სახელმწიფოს“ გასანადგურებლად იმყოფება. თუმცა, თუ ასადი განახორციელებს კიდევ ერთ  მასობრივ მკვლელობას ქიმიური იარაღის გამოყენებით, ის და მისი სამხედროები ამისთვის მაღარლ ფასს გადაიხდიან“,- ნათქვამია თეთრი სახლის პრეს-მდივნის შონ სპაისერის განცხდებაში.

აშშ-მა ხაზი გაუსვა, რომ ახალი შეტევა ქიმიური იარაღის გამოყენებით, მშვიდობიანი მცხოვრებლების, მათ შორის ბავშვების მასობრივ მკვლელობას გამოიწვევს.

იდლიბის პროვინციის ქალაქ ხან-შეიხუნში ქიმიური თავდასხმა 4 აპრილს განხორციელდა. ამბოხებულების კონტროლირებად ქალაქში ავიადრტყმების შედეგად 87 ადამიანი დაიღუპა, მათ შორის ბავშვები.