ავსტრალიის პრემიერის მოადგილე ბარნაბი ჯოისი ცნობილ ამერიკელ მსახიობს ჯონი დეპს 2015 წელს ქვეყანაში ძაღლების უკანონო შეყვანასთან დაკავშირებით ყალბი მოწმობების წარდგენაში ადანაშუალებს.

2015 წლის მაისში მსახიობის ცოლმა ემბერ ჰერდმა მწვანე კონტინენტზე თვითმფრინავით ორი იორკშირის ტერიერი გადაიყვანა. იმ დროს ავსტრალიაში „კარიბის ზღვის მეკობრეების“ გადაღებები მიმდინარეობდა.

ავსტრალიის ხელისუფლებამ განაცხადა, რომ ძაღლები ქვეყანაში მოქმედი კანონების დარღვევით შეიყვანეს. ჰერდი ყალბი დოკუმენტების გამოყენებაში დაადანაშაულეს.

სასამართლო გარჩევისას დეპის მეუღლემ დანაშაული აღიარა, სასამართლომ მას ერთთვიანი პირობითი სასჯელი განუსაზღვრა.

მედიის ცნობით, დეპი ძაღლების არალეგალური შეყვანის თაობაზე საქმის კურსში იყო. ჯოისის თქმით, თუ ეს ბრალდება სინამდვილეს შეესაბამება, ეს ცრუ მონაცემების წარდგენას ნიშნავს. მან ამ შემთხვევის განმეორებით განხილვა არ გამორიცხა.